Մեսսին` կարիերան շարունակելու մասին

Արգենտինայի հավաքականի ավագ Լիոնել Մեսսին հայտնել է, որ չի պատրաստվում ավարտել իր միջազգային կարիերան, գրում է TyC Sports-ը։

«Ոչ, ես չեմ պատրաստվում հեռանալ թիմից։ Ցանկանում եմ շարունակել հանդես գալ որպես աշխարհի չեմպիոն Արգենտինայի մարզաշապիկով»,- Մեսսիի խոսքերն է մեջբերում TyC Sports-ը։

ԱԱ-2022-ի մրցաշարի եզրափակիչում հանդիպեցին Արգենտինայի և Ֆրանսիայի հավաքականները։ Արգենտինացիները հետխաղյա 11 մետրանոց հարվածաշարում հաղթեցին 4-2 հաշվով: