ՏԵՍԱՆՅՈՒԹ. Ինչո՞ւ են ԱԺ պատերը ճաղավանդակներով բարձրացնում. ԱԺ-ից մեկնաբանում են

 Լրագրող Անի Նահապետյանը տեսանյութ է տարածել ֆեյսբուքյան իր էջում՝ կից գրառմամբ. «ԱԺ պատերը գնալով դառնում են բանտի պատեր...»:

Аuroranews.am-ը կապ է հաստատել Ազգային ժողովի մամուլի բաժնի հետ` հասկանալու, թե ինչ աշխատանքներ են տարվում ԱԺ-ում, ինչով է պայմանավորված ճաղավանդակներով պատերի բարձրացումը:

Աժ-ից մեզ պատասխանեցին, որ քանի որ խորհրդարանի տարածքը համարվում է Պետական պահպանության ծառայության կողմից վերահսկվող տարածք, անվտանգային հարցերով ամեն բան որոշվում է ՊՊԾ-ի կողմից` այդ թվում պատերի բարձրացումը:

«Այն արվում է անվտանգային նպատակներով, քանի որ ԱԺ տարածքի պատերն ունեն1.5 մետր բարձրություն: ՊՊԾ-ն բազմիցս ահազանգել այն մասին, որ պատերը ցածր են և անհրաժեշտ է բարձրացնել»,- հայտնեցին ԱԺ մամուլի բաժնից:

Նշեցին նաև, որ խորհրդարանի հարակից բնակելի սեփական տներից շատ հեշտությամբ կարելի է մուտք գործել ԱԺ տարածք և հակառակը: Թափառող կենդանիները ևս ազատորեն մուտք են գործում: