Արգենտինան դուրս եկավ Աշխարհի առաջնության եզրափակիչ
Արգենտինան 3:0 հաշվով հաղթեց Խորվաթիային և դուրս եկավ Քաթարում կայանալիք աշխարհի առաջնության եզրափակիչ։
Վաղը կկայանա ևս մեկ կիսաեզրափակիչ Ֆրանսիա - Մարոկկո հանդիպումը։
Արգենտինայի հավաքականի հարձակվող Լիոնել Մեսսին Խորվաթիայի հավաքականի հետ աշխարհի առաջնության 1/2 եզրափակչի խաղում (2:0) բացեց խաղի հաշիվը և ռեկորդ սահմանեց։
Մեսսիի համար այս գոլը 11-րդն էր աշխարհի առաջնություններում։ Այսպիսով, արգենտինացի ֆուտբոլիստը աշխարհի առաջնություններում Արգենտինայի հավաքականի կազմում խփած գոլերի քանակով շրջանցեց Արգենտինայի հավաքականի նախկին խաղացող Գաբրիել Բատիստուտային։
Նշենք, որ Արգենտինա - Խորվաթիա հանդիպման ընթացքում երկրորդ և երրորդ գոլերի հեղինակ դարձավ Խուլիան Ալվարեսը:
