Կրիշտիանու Ռոնալդուն չի պատրաստվում հեռանալ Պորտուգալիայի հավաքականից ԱԱ 2022-ից հետո։

Ըստ Correio da Manhã-ի՝ հարձակվողը նախատեսում է շարունակել ելույթները ազգային հավաքականում։ Նա մտադիր է մասնակցել Եվրո 2024-ին։

Նշվում է, որ իրավիճակը կախված է Ֆերնանդու Սանտուշի ապագայից, որը մոտ է Պորտուգալիայի հավաքականի գլխավոր մարզչի պաշտոնը լքելուն։Այս մասին գրում է Armsport-ը։ 

Այնուամենայնիվ, այս պահին Ռոնալդուն ակնկալում է, որ Պորտուգալիայի հավաքականում հանդես կգա առնվազն մինչև 2024 թվականը։

Հարձակվողը հասկանում է, որ այժմ լավագույն մարզավիճակում չէ։ Նրա կարծիքով՝ դրա պատճառը բաց բաց թողած նախամրցաշրջանային փուլն է, ինչպես նաև «Մանչեսթեր Յունայթեդում» անկանոն խաղային պրակտիկան: