Բրազիլիայի հավաքականի գլխավոր մարզիչ Տիտեն հայտարարել է, որ հեռանում է զբաղեցրած պաշտոնից այն բանից հետո, երբ թիմը պարտվեց Խորվաթիայի հավաքականին ԱԱ-2022-ի քառորդ եզրափակիչում: Այս մասին գրում է Sport-Express-ը:
 

«Պարտությունը ցավալի է, բայց ես հանգիստ եմ: Սա ազգային հավաքականում իմ շրջափուլի ավարտն է»,- Տիտեի խոսքերն է մեջբերում TNT Sports-ը:
 

61-ամյա մասնագետը Բրազիլիայի հավաքականը գլխավորում է 2016 թվականից։ Նրա գլխավորությամբ թիմը հաղթեց Ամերիկայի գավաթը (2019) և երկու անգամ դուրս եկավ աշխարհի առաջնության քառորդ եզրափակիչ՝ 2018 թվականին պարտվելով Բելգիային, իսկ 2022 թվականին՝ Խորվաթիային։