Ադրբեջանը ՀՀ-ին է ներկայացրել մեկնաբանությունների երրորդ փաթեթը․ Բայրամով
Ադրբեջանը Հայաստանին է ներկայացրել խաղաղ կարգավորման համաձայնագրի նախագիծ։ Այս մասին դեկտեմբերի 5-ին հայտարարել է Ադրբեջանի արտգործնախարար Ջեյհուն Բայրամովը ռուս գործընկերոջ` Սերգեյ Լավրովի հետ մամուլի ասուլիսի ժամանակ: Այս մասին հաղորդում է ТАСС գործակալությունը։
«Ադրբեջանը հինգ հիմնարար սկզբունքների հիման վրա պայմանագրի նախագիծ է պատրաստել և ներկայացրել հայկական կողմին, որից հետո տեղի է ունեցել բանակցությունների երկու փուլ: Տեղեկացնեմ նաև, որ ադրբեջանական կողմից մեկնաբանությունների երրորդ փաթեթն արդեն կա. ներկայացվել է հայկական կողմին»,- ասաց նա։
Ինչպես նշել է Ադրբեջանի արտգործնախարարը, հանրապետությունների միջև բանակցությունների երրորդ փուլը կարող է տեղի ունենալ մինչև 2022 թվականի ավարտը։
Բայրամովի խոսքով, Ադրբեջանը նպատակ ունի լուծել Հայաստանի հետ հակամարտությունը որքան հնարավոր է շուտ։
