ՌԴ-ն շահագրգռված է Երևանի և Բաքվի միջև խաղաղության պայմանագրի ստորագրմամբ. Լավրով
Ռուսաստանը շահագրգռված է Երևանի և Բաքվի միջև խաղաղության պայմանագրի ստորագրմամբ, այս մասին Ադրբեջանի արտգործնախարարի հետ հանդիպմանը ընդգծել է ՌԴ արտաքին գործերի նախարար Սերգեյ Լավրովը։
Հանդիպման ընթացքում Լավրովը մասնավորապես ասել է, որ Ռուսաստանը հետաքրքրված է նրանում, որ ամեն կերպ աջակցի տարածաշրջանում տրանսպորտային կապերի ապաշրջափակմանը, սահմանազատմանը, խաղաղության պայմանագրի ստորագրմանը և ընդհանուր առմամբ, վստահության ամրապնդմանը, այդ թվում՝ հանրային կառույցների, քաղաքագետների և օրենսդիրների գծով:
Հիշեցնենք, որ Մոսկվայում ընթանում է ՌԴ ԱԳ նախարար Սերգեյ Լավրովի և Ադրբեջանի ԱԳ նախարար Ջեյհուն Բայրամովի հանդիպումը:
Ավելի վաղ ՌԴ ԱԳՆ-ն հաղորդել էր, որ, որ հանդիպմանը նախատեսվում է քննարկել երկկողմ համագործակցության հեռանկարները, ինչպես նաև մտքեր փոխանակել տարածաշրջանային և միջազգային օրակարգի ամենահրատապ կողմերի, այդ թվում՝ հայ-ադրբեջանական հարաբերությունների կարգավորման հարցերի շուրջ»,- ասվում է ՌԴ ԱԳՆ հայտարարության մեջ։
