ՏԵՍԱՆՅՈՒԹ. 5-րդ ալիքի լրագրո՞ղն է «բոլտը» դրել պատի մեջ. ի՞նչ է ֆիքսել տեսախցիկը
Համացանցում է հայտնվել տեսանյութ, որտեղ երևում է ինչպես է «5-րդ ալիքի» լրագրողը հեղույսը դնում պատի մեջ, ապա տեսանկարահանում՝ մեղադրելով, թե պատերը վնասել են։ Այս մասին գրել է Аraratnews-ը` հրապարակելով Հանրապետության հրապարակի հարակից տարածքում տեղադրված տեսախցիկների ֆիքսած կադրերը:
Թարմացում. Auroranews-ը կապ հաստատեց 5-րդ ալիքի աշխատակցի՝ օպերատոր Միլենա Պողոսովայի հետ։ Վերջինս մեզ հետ զրույցում ասաց. «Հեղույսն արդեն պատի մեջ էր, ես մարդ լինելով եւ հասկանալով, որ այն փչացնում է ամեն ինչ, հանեցի, հետո հասկացա, որ իզուր արեցի, տեղը դրեցի, նկարահանեցի, այնուհետեւ դրեցի շինության մոտ եւ հեռացա: Ո՞վ է այն դրել պատի մեջ եւ ինչի՞ համար՝ ես չգիտեմ: Իմ միակ սխալն այն էր, որ ես հեղույսը հանեցի: Պետք չէր հանել, պետք էր թողնել տեղում»:
Հարցին՝ գուցե իր տեսախցիկը միացված է եղել, եւ իր պատմածը ևս ֆիքսվել է, պատասխանեց, որ ոչ։
Մանրամասները` տեսանյութում:
