Ֆուտբոլի ԱԱ. Բելգիայի հավաքականի գլխավոր մարզիչը հրաժարական կտա
Բելգիայի հավաքականի գլխավոր մարզիչը հրաժարական կտա աշխարհի առաջնությունից հավաքականի դուրս մնալուց հետո։
Իսպանացի Ռոբերտո Մարտինեսը նման որոշում է կայացրել Խորվաթիայի հավաքականի հետ գոլազուրկ ոչ-ոքիից հետո։
«Դա իմ վերջին խաղն էր գլխավոր մարզչի պաշտոնում։ Դա զգացմունքային էր, ինչպես կարող եք պատկերացնել»,- լրագրողներին ասել է Մարտինեսը:
49-ամյա մարզիչը Բելգիայի հավաքականը գլխավորում է 2016 թվականից։ Նրա գլխավորությամբ հավաքականը նվաճել է Ռուսաստանում կայացած աշխարհի առաջնության բրոնզը, ինչը թիմի պատմության լավագույն ձեռքբերումն էր։
