Աղմկահարույց ծեծկռտուքից հետո «Զենիթի» և «Սպարտակի» վեց խաղացողներ որակազրկվել են

«Զենիթի» և  «Սպարտակի» վեց խաղացողներ որակազրկվել են Ռուսաստանի գավաթի խաղարկության շրջանակում 6-րդ տուրում տեղի ունեցած միջադեպի պատճառով։

Ռուսաստանի ֆուտբոլի միության վերահսկիչ-կարգապահական կոմիտեն (FTC RFU) վերլուծել է Ռուսաստանի Գավաթի խմբային փուլի վեցերորդ տուրի «Զենիթ»-«Սպարտակ» խաղի հիմնական ժամանակի ավարտից հետո տեղի ունեցած ծեծկետուքը։

Հիշեցնենք, որ մրցավար Վլադիմիր Մոսկալևի եզրափակիչ սուլիչի հետ գրեթե միաժամանակ խաղադաշտում սկսվեց զանգվածային ծեծկռտուք, որի արդյունքում կարմիր քարտ ստացան պետերբուրգցիներ Վիլմար Բարիոսը, Ռոդրիգաոն և Մալկոմը, ինչպես նաև մոսկվացիներ Շամար Նիկոլսոնը, Ալեքսանդր Սոբոլևը և Ալեքսանդր Սելիխովը։

Արդյունքում, վեցն էլ որակազրկվել են վեց գավաթային խաղով: