Լեհաստանը հաղթեց Սաուդյան Արաբիային ԱԱ-2022-ի խմբային փուլում
ԱԱ-2022-ի խմբային փուլում 2-րդ տուրում Լեհաստանի հավաքականը 2 անպատասխան գնդակ ուղարկեց Սաուդյան Արաբիայի դարպասը:
39-րդ րոպեին Զիելինսկին առաջ մղեց լեհերին: Առաջին խաղակեսի վերջին րոպեին սաուդցիները ստացան 11 մետրանոցի իրավունք, սակայն Ալ Դավսարին չկարողացավ գրավել Շչեսնիի դարպասը:
Երկրորդ կեսի սկզբնամասում Սաուդյան Արաբիան մեծ առավելություն ուներ, սակայն հավասարեցնել հաշիվը՝ չէր հաջողվում: 82-րդ րոպեին Ռոբերտ Լեվանդովսկին կրկնապատկեց իր թիմի առավելությունը՝ խփելով ԱԱ-ներում իր առաջին գոլը:
Խմբի մյուս խաղում կմրցեն Արգենտինայի ու Մեքսիկայի հավաքականները:
