Դեկտեմբեր‎ի 07 Երևան 6°C

$ 395.53 | € 393.43 | ₽ 6.42

Երևան 6°C | $ 395.53 | € 393.43 | ₽ 6.42

ՏԵՍԱՆՅՈՒԹ․ Ալեն Սիմոնյանը՝ ՀԱՊԿ-ից դուրս գալու խոսակցությունների մասին

ՀԱՊԿ-ը ռազմաքաղաքական դաշինք է, և ռազմական օգնության ակնկալիքից զերծ, նաև կարող են լինել քաղաքական գնահատականի սպասումներ։ Եվ այդ քաղաքական գնահատականը բավարար չի եղել, դրա համար որոշում է կայացվել չստորագրել ՀԱՊԿ Հավաքական անվտանգության խորհրդի հռչակագիր։ Այս մասին ԱԺ-ում՝ լրագրողների հետ զրույցում ասաց Ազգային ժողովի նախագահ Ալեն Սիմոնյանը։ 

Հարցին, թե այսինքն  ՀԱՊԿ-ից ունեցած սպասելիքները չարդարացվեցի՞ն, Ալեն Սիմոնյանն ասաց, որ եթե արադարցվեին, ապա փաստաթղթերը կստորագրվեին։ 

ՀԱՊԿ անդամ մնալ-չմնալու հարցն օրակարգում ունենալու վերաբերյալ հարցին, Ալեն Սիմոնյանը պատասխանեց․«Մենք երբևիցե նման հայտարարություն չենք արել, մենք ասել ենք, որ ՀԱՊԿ-ն է տարածաշրջանը լքում և մենք դրանով անհանգստացած ենք։ Մեր ընկերներին պետք է հարց ուղղվի՝ արդյո՞ք ՀԱՊԿ-ը որոշել է լքել անդրկովկասյան այս տարածքը, թե՞ ոչ։ Եթե լքել է, պետք է առնվազն դրա մասին բարձրաձայն ասվի։ Այնուամենայնիվ, մենք միայն այդ կառույցի քայլերին չէ, որ սպասում ենք, մենք ինքնուրույն գործողություններ ենք իրականացնում մեր սահմանների անվտանգությունն ապահովելու առումով»։