«Զգույշ եղե՛ք խաբեության զոհ չդառնալու համար». Հանրային հեռուստաընկերությունը զգուշացնում է
Հանրային հեռուստաընկերությունը հայտարարություն է տարածել` մասնավորապես նշելով.
«Զգուշացեք կեղծիքներից: Շրջանառվում են «Մանկական Եվրատեսիլի» վերավաճառված և կեղծ տոմսեր:
Տեղեկացնում ենք, որ Մարզահամերգային համալիրում կատարվելու է տոմսերի նույնականացում և QR կոդերի ստուգում: Խնդիրներից խուսափելու համար հորդորում ենք տոմսերը գնել միայն tomsarkgh.am կայքից: Սահմանափակ քանակությամբ Ֆան զոնայի տոմսեր կվաճառվեն նաև Telcell-ով:
Վաճառքի այլ աղբյուրներ չկան: Զգույշ եղե՛ք խաբեության զոհ չդառնալու համար»,-նշված է հայտարարության մեջ:
