Լեհաստանի տարածքում ռուսական հրթիռների ենթադրյալ ընկնելու մասին լեհական ԶԼՄ-ների և պաշտոնատար անձանց հայտարարությունները կանխամտածված սադրանք է՝ էսկալացիայի նպատակով։ ՌԴ ԶՈւ-ն ուկրաինա-լեհական սահմանի մոտ թիրախներին հարվածներ չի հասցրել: Նման հայտարարություն է տարածել ՌԴ ՊՆ-ն։

Հիշեցնենք, որ երկու հրթիռ ընկել են արևելյան Լեհաստանի գյուղերից մեկի հացահատիկի չորանոցներ, որոնք գտնվում են Ուկրաինայի հետ սահմանին: Այսպիսի հայտարարություն է արել երեքշաբթի լեհական ZET ռադիոն՝ վկայակոչելով ոչ պաշտոնական աղբյուրները:

Լեհաստանի կառավարության խոսնակ Պյոտր Մյուլլերը հայտնել է, որ վարչապետ Մաթեուշ Մորավիեցկին արտակարգ նիստ է հրավիրել կառավարության անվտանգության և պաշտպանության կոմիտեին։ ZET ռադիոկայանի փոխանցմամբ՝ խոսքը Լեհաստանի արեւելքում Ուկրաինայի սահմանի մոտ երկու հրթիռի ընկնելու մասին է, որոնց պատկանելությունը չի նշվում։