Փաշինյանը ժամանել է նստավայր՝ Ալիևի և Պուտինի հետ եռակողմ հանդիպմանը մասնակցելու համար. Известия

ՀՀ վարչապետ Նիկոլ Փաշինյանը ժամանել է նստավայր՝ մասնակցելու ՌԴ նախագահ Վլադիմիր Պուտինի և Ադրբեջանի նախագահ Իլհամ Ալիևի հետ եռակողմ բանակցություններին, հաղորդում է «Իզվեստիա»-ի թղթակից Ալեքսեյ Լազուրենկոն։

ՌԴ նախագահ Վլադիմիր Պուտինն Ադրբեջանի նախագահ Իլհամ Ալիևի հետ հանդիպմանը հայտարարել է, որ այսօր Սոչիում կայանալիք եռակողմ հանդիպման նպատակը Ղարաբաղի հարցով 2020 և 2021 թվականներին ձեռք բերված պայմանավորվածությունների իրականացումն է։
 

Ռուսաստանի, Հայաստանի և Ադրբեջանի ղեկավարներն այսօր Սոչիում եռակողմ հանդիպում են ունենալու։ Պուտինն արդեն երկկողմ հանդիպումներ է ունեցել նրանցից յուրաքանչյուրի հետ։ 

Ռուսական լրատվամիջոցները չեն բացառում, որ եռակողմ հանդիպման ավարտին կընդունվի փաստաթուղթ, որի հիմք կհանդիսանա խաղաղության պայմանագրի կնքման համար։