Ռուսաստանը երկար տարիներ Հայաստանին առաջարկել է լուծել Ղարաբաղի հարցը, բայց Երևանը գնաց իր ճանապարհով. Պուտին
ՌԴ նախագահ Վլադիմիր Պուտինը «Վալդայ» բանավեճի ակումբի հանդիպման ժամանակ ի թիվս այլ հարցերի, անդրադարձել է նաև Լեռնային Ղարաբաղի հետ կապված իրավիճակին:
Պուտինը նշել է, որ «Ռուսաստանը երկար տարիներ Հայաստանին առաջարկել է լուծել Ղարաբաղի հարցը՝ հինգ շրջաններ փոխանցելով Բաքվին, որտեղից մարդիկ հեռացել են, բայց Երևանը գնաց իր ճանապարհով»:
«Մենք առաջարկել ենք շարժվել հարաբերությունների կարգավորման ուղղությամբ»,- ասել է ՌԴ ղեկավարը Վալդայ ակումբի հանդիպման ժամանակ։
Սակայն, իր խոսքով, Հայաստանի ղեկավարությունը գնաց իր ճանապարհով, և դա հանգեցրեց ստեղծված իրավիճակին։
«Ռուսաստանը աջակցում է խաղաղ կարգավորմանը, մենք հանդես ենք գալիս խաղաղության պայմանագրի, սահմանազատման և սահմանագծման օգտին։ Հայաստանն ինքն է ընտրում համաձայնագրի տարբերակը, մենք մեր կարծիքը չենք պարտադրի: Մենք աջակցելու ենք հայ ժողովրդի ցանկացած ընտրության»,- ասել է նա:
