Ինչ է գրել Ալեն Սիմոնյանը Զատուլինին ուղղված նամակում
Հայաստանի խորհրդարանի նախագահ Ալեն Սիմոնյանը հրաժարվել է մասնակցել ռուս-հայկական «Լազարեւյան ակումբի» հինգերորդ նիստին։
Պետդումայի պատգամավոր Կոնստանտին Զատուլինին ուղղված նամակում նա դա բացատրել է նրանով, որ մասնակցելու է Սամարղանդում ԱՊՀ ՄԽՎ խորհրդի հերթական նիստին։
Ավելի վաղ, Հայաստանի Ազգային ժողովի ղեկավարության նամակում, մասնավորապես, նշված է. «Հայաստանի Հանրապետության Ազգային ժողովի ղեկավարության անունից հայտնում ենք, որ, ցավոք, Հայաստանի Հանրապետության դեմ վերջին շրջանի Ձեր հրապարակային հայտարարությունները վնասում են մեր պետությունների միջեւ բարեկամական եւ դաշնակցային հարաբերությունների զարգացմանը։ Այս առումով ապագայում Ձեր այցը Հայաստանի Հանրապետություն համարվում է անցանկալի»։
Նշենք, որ ավելի վաղ Հայաստանի իշխանությունները Կոնստանտին Զատուլինին «պերսոնա նոն գրատա» էին հայտարարել։ Ըստ «Հայկական ժամանակ» թերթի՝ իշխանություններին վրդովեցրել է ղեկավարության, հատկապես՝ Նիկոլ Փաշինյանի հասցեին Զատուլինի հնչեցրած քննադատությունը։ Ինքը՝ Զատուլինը, Հայաստան մուտքի անսպասելի արգելքը վիրավորական է անվանել:
