ԱՄՆ կոնգրեսականների մեծ պատվիրակություն կժամանի Հայաստան
Մյուս շաբաթ աշխատանքային այցով Հայաստան կժամանի ԱՄՆ Կոնգրեսի Ներկայացուցիչների պալատի մեծ պատվիրակություն, Auroranews-ի հետ զրույցում նշեց Ազգային ժողովի նախագահի մամուլի խոսնակ Ծովինար Խաչատրյանը։
Խաչատրյանը չմանրամասնեց, թե ովքեր են պատվիրակության կազմում, նշելով՝ դեռ վերջնական համաձայնեցված չէ ԱՄՆ գործընկերների հետ, սակայն ասաց, որ նրանք Հայաստանում կհանդիպեն լրագրողների հետ՝ ասուլիսի ձևաչափով։
ԱԺ նախագահի մամուլի խոսնակը հավելեց, որ կոնգրեսականները դեռ ամռանը պետք է գային Հայաստան, բայց ինչ-ինչ պատճառներով չի ստացվել և այցը տեղափոխվել է մյուս շաբաթ։
