Հայաստանի կառավարությունը հիացմունքի արժանի քայլեր է արել․ Էրդողանի խոսնակի հայտարարությունը
Հայաստանի կառավարությունը հիացմունքի արժանի քայլեր է արել, որին պետք է աջակցի նաև հայկական սփյուռքը, նման կարծիք է հայտնել Թուրքիայի նախագահի խոսնակ Իբրահիմ Քալընը` խոսելով հայ-ադրբեջանական և հայ-թուրքական գործընթացների մասին։ «Փաշինյանն այս գործընթացը լավ է տանում՝ չնայած սփյուռքի ընդդիմությանը և ճնշումներին», - նաև հավելել է թուրք պաշտոնյան։
A Haber թուրքական հեռուստաընկերության հետ զրույցում Քալընը գոհունակությամբ է խոսել հարևանների հետ հարաբերությունները կարգավորելուն ուղղված Հայաստանի իշխանությունների քայլերի մասին՝ շեշտելով, որ «պետք է առաջ շարժվենք՝ քայլեր ձեռնարկելով Հարավային Կովկասում խաղաղության և կայունության հաստատման ուղղությամբ»։
