«Անհնար է համաձայնության գալ մեկի հետ, որը ձեր գլխին զենք է պահում». Մարուքյան
Հատուկ հանձնարարություններով դեսպան Էդմոն Մարուքյանը twitter-ի իր միկրոբլոգում գրառում է արել` անդրադառնալով Ադրբեջանի հետ խաղաղության պայմանագիր կնքելուն։
«Հայաստանին անհրաժեշտ է ոչ թե մոդերատոր, այլ ամուր երաշխավոր՝ խաղաղության պայմանագրի բանակցությունների և Ադրբեջանի հետ ապագա տևական խաղաղության պայմանագրի կնքման համար։
Հակառակ դեպքում անհնար է համաձայնության գալ մեկի հետ, որը ձեր գլխին զենք է պահում և չի հարգում որևէ պայմանավորվածություն»,-գրել է Մարուքյանը:
