«Մենք չենք քննարկելու, թե ինչպես կարգավորել Ղարաբաղում ապրող հայերի կյանքը». Ալիև

Չնայած մեր ժողովրդի տառապանքներին՝ Բաքուն Երևանին խաղաղություն է առաջարկել: Այս մասին հայտարարել է Ադրբեջանի նախագա Իլհամ Ալիևը: Տեղեկատվությունը հաղորդում են ադրբեջանական լրատվամիջոցները:

Ըստ նրա` միջազգային հանրությունը աչք էր փակում ադրբեջանական բնակչությանը պատուհասած հումանիտար աղետի վրա:

«Ղարաբաղում ապրող հայերը մեր քաղաքացիներն են, եւ մենք չենք քննարկելու որեւէ միջազգային կենտրոնի հետ, թե ինչպես կարգավորել նրանց կյանքը»,-ասել է Ադրբեջանի բռնապետը:

Վերջինս, խոսելով նաև ԵԱՀԿ Մինսկի խմբի մասին, նշել է, որ միակ բանը, որ արել է ԵԱՀԿ Մինսկի խումբը, դա այն է, որ ինչ-որ չափով օրինականացրել է Հայաստանի ագրեսիան։ Ալիևը նաև հավելել է, որ իրենք մոբիլիզացնում են բոլոր ուժերը, որպեսզի նախկին հարկադիր վերաբնակները հնարավորինս շուտ վերադառնան իրենց տները:

Հիշեցնենք` սեպտեմբերի 13-ին՝ ժամը 00:05-ից, Ադրբեջանի ԶՈՒ ստորաբաժանումները Գորիսի, Սոթքի և Ջերմուկի ուղղությամբ հրետանային միջոցներից, խոշոր տրամաչափի հրաձգային զինատեսակներից սկսել էին ինտենսիվ կրակ վարել հայկական դիրքերի ուղղությամբ: Թշնամին կիրառում էր նաեւ ԱԹՍ-ներ: