«Իսլամական պետությունը» ստանձնել է Աֆղանստանում ՌԴ դեսպանատան մոտ պայթյունի պատասխանատվությունը
«Իսլամական պետություն» ահաբեկչական կազմակերպությունը ստանձնել է Քաբուլում Ռուսաստանի դեսպանատան մոտ տեղի ունեցած հարձակման պատասխանատվությունը: Այս մասին հայտնում է Reuters-ը։
Հիծեցնենք, որ Քաբուլում այսօր առավոտյան տեղի ունեցած պայթյունի հետևանքով զոհվել էին դեսպանատան երկու աշխատակից և Աֆղանստանի մի քանի քաղաքացի։
Քաբուլի ոստիկանության ներկայացուցիչ Խալիդ Զադրանը հայտնել է, որ մահապարտ-ահաբեկիչը պայթյունը ծրագրել է ամբոխի մեջ, սակայն չի կարողացել դա անել, քանի որ անվտանգության ուժերը կրակ են բացել նրա վրա։
