Աբովյանի դիահերձարանում զոհված զինծառայողների մարմինների դեպքով քրգործ չհարուցելու որոշման դեմ բողոքը մերժվել է

Կոտայքի մարզի ընդհանուր իրավասության դատարանը օգոստոսի 3-ին մերժել է Աբովյանի դիահերձարանի նկուղում պարկերով նետված 44-օրյա պատերազմին զոհված զինծառայողների մարմինների դեպքով քրեական գործ չհարուցելու որոշման դեմ բողոքը։ 

Այս մասին NEWS.am-ը տեղեկացել է բողոքը ներկայացրած փաստաբան Գարիկ Գալիկյանից։ Նա նշել է, որ դեռեւս դատարանից որոշումը չի ստացել, չի կարող մեկնաբանել այն։ 

Հիշեցնենք, որ այս աղմկահարույց բացահայտումն արել էին զոհված զինծառայողների հարազատները 2021 թվականի մայիսի 31-ին: Զոհված զինծառայողների ծնողները պահանջում են պատասխանատվության ենթարկել Աբովյանի դիահերձարանի նկուղում իրենց որդիների դիերն և մասունքները նման ձեւով պահելու համար։