ՏԵՍԱՆՅՈՒԹ. Հրդեհ՝ Իջևան քաղաքի մոտակայքում. 5-րդ օրն է հրշեջները փորձում են մարել կրակը

Իջևան քաղաքի մոտակայքում բռնկված հրդեհը 5-րդ օրն է` հրշեջները չեն կարողանում մինչև վերջ մարել։ 

Երեկ ընդհատված աշխատանքը այսօր վաղ առավոտից վերսկսվել է, հայտնում է արտակարգ իրավիճակների նախարարությունը։ Ներգրավվել է 80 հրշեջ։  Արդեն այրվել է 5-6 հա խոտածածկ տարածք։ Հրդեհը բռնկվել էր օգոստոսի 31-ին։ 


Հիշեցնենք, որ oգոստոսի 31-ին, ժամը 13։25-ին Տավուշի մարզային ճգնաժամային կառավարման կենտրոն ահազանգ է ստացվել, որ Իջևան քաղաքի գինու գործարանի մոտակայքում այրվում է խոտածածկույթ: 

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երեք մարտական հաշվարկ։ Պարզվել է, որ այրվում է մոտ 5-6 հա խոտածածկույթ: Հրդեհի 4 ուղղություններից 3-ը մարվել է, 4-րդ ուղղությամբ կա 3 ծխացող օջախ․ 13 հրշեջ-փրկարարների կողմից սահմանվել է հերթապահություն: