Փարիզում ավելի քան 100 մարդ է բերման ենթարկվել

Ֆրանսիայի իրավապահ մարմինները ավելի քան 100 մարդու են ձերբակալել «Դեղին բաճկոններ» շարժման կողմնակիցների ակցիաների ժամանակ, ինչպես նաև Փարիզում տեղի ունեցած ուկրաինամետ ցույցի ժամանակ։ Այս մասին հայտնում է Մետրոպոլիտենի ոստիկանության պրեֆեկտուրայի մամուլի ծառայությունը: 

Նշվում է, որ ոստիկանությունն առաջին հերթին ճնշել է «Դեղին բաճկոնների» շարժման կողմնակիցների չհամաձայնեցված ցույցերը, որոնցից շատերը բերման են ենթարկվել և տուգանվել։ 

Նաև Հանրապետության հրապարակի մոտ նկատվել են մի խումբ ագրեսիվ ցուցարարներ: Միանալով ի պաշտպանություն Ուկրաինայի ցույցին՝ նրանք դուրս են եկել հանպատրաստից երթի: 

«Ոստիկանության ծառայողների միջամտության ընթացքում բերման է ենթարկվել 103 (93-ը՝ վանդալիզմի և բռնության նպատակով խմբակային երթին մասնակցելու, երեքը՝ գույքը դիտավորությամբ վնասելու, երեքը՝ ոստիկանության հրահանգները չենթարկվելու, 4-ը՝ իրավապահների նկատմամբ բռնություն գործադրելու համար) մարդ, ինչպես նաև վարչական ակտ է կիրառվել 54 անձի նկատմամբ»,- ասված է պրեֆեկտուրայի հաղորդագրության մեջ։