«Ամբողջ Երևան թուրքերը լիքն են, ինչո՞ւ այնտեղ չեն ծեծում, Վեդիում ծեծում են»․ թուրք ամուսինները եկել էին Հայաստանում պտտվելու

Վեդիում խրախճանք իրականացրած թուրքերն ամուսիններ են եղել: Պնդել են, թե տուրիստներ են, իբր, շեղվել են ճանապարհից ու հայտնվել Վեդիում, սակայն տեղի բնակիչները չեն հավատում։ Այս մասին «Փաստինֆո»-ին պատմել են Վեդիի բնակիչները՝ ներկայացնելով նախօրեին տեղի ունեցած միջադեպի մանրամասները։

Բնակիչները չեն կարծում, թե թուրք ամուսինները պատահմամբ են հայտնվել Վեդիում, չեն բացառում, որ գործակալներ լինեն.

«Նրանք իրենց անձնագիրն են ցույց տվել, որ ամբողջ աշխարհով շրջագայում են, եկել են Հայաստանում պտտվելու, իբր, թե մոլորվել, հայտնվել են Վեդիում, բայց սա պատահմամբ չի կարող լինել, կարող է և գործակալական ծառայության ներկայացուցիչներ լինեն: Իրենք ասում են՝ ամբողջ Երևան թուրքերը լիքն են , ինչո՞ւ այնտեղ չեն ծեծում, Վեդիում ծեծում են»,- լրատվամիջոցի հետ զրույցում ասաց Վեդիի բնակիչներից մեկը:

Նրա փոխանցմամբ՝ ոստիկանները հարցաքննել են թուրք ամուսիններին և նրանք հեռացել են Վեդիից:

Հիշեցնենք՝ ավելի վաղ հայտնել էինք, որ ըստ համացանցում տարածված լուրերի՝ Վեդիում իրավիճակը լարված է եղել, թուրքերը խրախճանք են կազմակերպել։