Սերբիայի նախագահը անջատել է իր սառնարանն ու լույսերի մեծ մասը` էլեկտրաէներգիան խնայելու համար
Սերբիայի նախագահ Ալեքսանդր Վուչիչը լրագրողներին ասել է, որ անջատել է իր նստավայրի սառնարանը և լույսերի մեծ մասը՝ թանկացման պայմաններում էլեկտրաէներգիան խնայելու համար, գրում է ՌԻԱ «Նովոստի»-ն։
«Ես պատրաստ եմ ձեզ ցույց տալ, թե ինչպես եմ անջատել իմ հատակի ամբողջ արհեստական լուսավորությունը: Այստեղի լուսավորությունը չեմ կարող անջատել ձեր պատճառով: Բայց այնտեղ ամեն ինչ անջատված է, նույնիսկ անջատել եմ փոքրիկ սառնարանը, որում իմ Cola Zero-ն և ջուրն են: Այժմ շոգ չէ, ուստի ես անում եմ ամեն ինչ, որպեսզի օգնեմ երկրին խնայել: Որովհետև գները աննորմալ են, անհնարին»,- լրագրողներին ասել է երկրի ղեկավարը։
«Մեզ դեռ մի քիչ ծանր ամառ է սպասվում, ծանր աշուն և ավելի ծանր ձմեռ: Հուսով եմ, որ մենք ամեն ինչ կհաղթահարենք և շուտով կկարողանանք ծրագիր ներկայացնել քաղաքացիներին»,- հավելել է Սերբիայի ղեկավարը։
