Ի՞նչ են Բրյուսելում համաձայնեցնելու. Ադրբեջանից մանրամասներ են հայտնում
Եվրոպական խորհրդի նախագահ Շառլ Միշելի միջնորդությամբ Բրյուսելում նախատեսված Փաշինյան-Ալիեւ հանդիպման ժամանակ ակնկալվում է համաձայնեցնել աշխատանքային խմբի ստեղծումը, որը պետք է նախապատրաստի Ադրբեջանի ու Հայաստանի միջեւ Խաղաղության պայմանագիրը։ Այդ մասին հայտարարել է Ադրբեջանի նախագահի օգնական Հաջիեւը, գրում է «Փաստինֆոն»։
Նա հիշեցրել է Բրյուսելում նախորդ հանդիպմանը ձեռք բերված սահմանազատման հանձնաժողովի ստեղծման մասին պայմանավորվածությունը.
«Մոսկվայում կհանդիպեն նաև Հայաստանի և Ադրբեջանի փոխվարչապետերը, կքննարկեն տրանսպորտի և սահմանազատման հարցերը»։
Հաջիեւը հավելել է, որ ներկայումս երկու երկրների միջև բանակցությունները հիմնականում ընթանում են սահմանների սահմանազատման, հումանիտար, տրանսպորտի և հաղորդակցության հարցերի և խաղաղության պայմանագրի մշակման շուրջ։
