ՏԵՍԱՆՅՈՒԹ. Ամուսինը սպանել է կնոջը` TikTok-ում հարաբերություններում առկա խնդիրների մասին խոսելու համար. ԱՄՆ
ԱՄՆ-ում 36-ամյա Ռահիլ Ահմադը կրակել և սպանել է իր 29-ամյա նախկին կնոջը՝ Սանյա Խանին, ապա ինքնասպան եղել։ Այդ մասին գրում է The New York Post-ը։
Ահմադն անցել է ավելի քան 700 մղոն` հասնելով Չիկագոյում գտնվող իր նախկին կնոջ տուն: Այնտեղ տղամարդը կրակել է կնոջ գլխին, ապա ինքնասպան եղել։ Աղբյուրի համաձայն՝ ամերիկուհու սպանության հնարավոր պատճառը TikTok-ի տեսանյութն է եղել, որում կինը հազարավոր մարդկանց լսարանի հետ խոսում էր իրենց ընտանեկան կյանքում առկա խնդիրների մասին։
Կինը նշել է, որ բազմիցս ենթարկվել է ֆիզիկական բռնության, հաղորդում է ներկայացրել, բայց նա ոչ մի պատժի չի ենթարկվել:
Տեսանյութում աղջիկը նշել էր, որ նախկին ամուսինն իրեն հոգեբանական ճնշում է գործադրել և բաժանվելիս սպառնացել է ինքնասպան լինել։ Խանը հայտարարել էր, որ ճնշումներ են գործադրվել նաև ամուսնու հարազատների կողմից։
