Մերկելը՝ միջնորդ. նախկին կանցլեռը ռուս-ուկրաինական բանակցություններից է խոսել

Գերմանիայի նախկին կանցլեր Անգելա Մերկելը հայտարարել է, որ ապագայում կարող է Ռուսաստանի և Ուկրաինայի միջև բանակցություններում միջնորդի դեր ստանձնել․ գրում է gazeta.ru-ն։

Պատասխանելով հարցին՝ պատրա՞ստ է այժմ ստանձնել այդ գործը, Մերկելը նշել է, որ այս պահին դա չի քննարկվում։

Մերկելը նաև հիշել է, որ պաշտոնից հեռանալուց կարճ ժամանակ առաջ փորձել է ուկրաինական ճգնաժամի լուծումը գտնել, սակայն չի հասցրել։

Բացի այդ, Մերկելը չի բացառել, որ պաշտոնից իր հեռանալը, Ֆրանսիայում կայացած ընտրություննները, Աֆղանստանից ԱՄՆ զորքի դուրսբերումն ու այսպես կոչված Մինսկյան պայմանավորվածությունների կատարման գործընթացի «լճացումը» կարող էր պատճառ դառնալ Ուկրաինայում ռուսական ռազմական գործողությունների համար։