«Բերել լուսաֆորն ու կոճակը դրել են, մատյանում պծիչկա դրել են, հեչ էլ թե չի աշխատում»․ լրագրող
«Մեդիա կենտրոն» ծրագրի խմբագիր-համակարգող Արշալույս Մղդեսյանը ֆեյսբուքյան իր էջում գրել է.
«Ուրեմն արդեն մի քանի ամիս է՝ հետիոտնի անցումի համար Հանրապետության հրապարակում տեղադրված է լուսաֆոր։ Լուսաֆորը կա, կոճակը կա, բայց չի աշխատում, երևի հոսանքն են մոռացել միացնել։ Ու էսպես մի քանի ամիս։ Սրա համար երևի մրցույթ է հայտարարվել, մեկը հաղթել է, գումար է հատկացվել, բերել լուսաֆորն ու կոճակը դրել են, մատյանում պծիչկա դրել ու անցել առաջ։ Հեչ էլ թե չի աշխատում։
Ու նման կիսատ պռատ գործեր Երևանում` ինչքան ուզես։ Ամիսներով մայթերն են կիսաքանդ վիճակում` հեչ էլ թե հենաշարժողական խնդիրներ ունեցող մարդիկ կամ երեխաների սայլակներն էդ տեղերով չեն կարողանա անցնել։ Ի դեպ, էս վայրից մի փոքր հեռու էլ հենց էդ անանցանելի մայթերն են»,- գրել է լրագրողը:
