ՏԵՍԱՆՅՈՒԹ. Գինեսի նոր համաշխարհային ռեկորդ

Լոնդոնում պատրաստված 440,6 մետր երկարությամբ տիրամիսուն գերազանցել է Միլանում գրանցված նախկին ռեկորդային ցուցանիշը։

100 իտալացի խոհարարներ երկու օրում պատրաստել են աղանդերը՝ համաձայն Գինեսի ռեկորդների գրքի պահանջների։ Համաշխարհային ձեռքբերումների միջազգային տեղեկատուի կանոնների համաձայն՝ ուտեստը պետք է հավաքվեր անմիջապես հարթակում՝ մասնագետների վերահսկողությամբ։ Պատրաստման ընթացքում օգտագործվել է ավելի քան 3000 ձու և շուրջ 50 000 սավոյարդի թխվածքաբլիթ։

Կազմակերպիչները շեշտել են միջոցառման խորհրդանշական նշանակությունը. աղանդերը զարդարվել է ոսկե թագի պատկերով և նվիրվել Միացյալ Թագավորության թագավորին ու թագավորական ընտանիքին։ Նախագծի հեղինակ Միրկո Ռիչչին, ով նմանատիպ ռեկորդակիր էր դարձել նաև 2017 թվականին, հայտնել է, որ Մեծ Բրիտանիայում այս նախաձեռնության իրականացումը երկրին երախտագիտություն հայտնելու քայլ էր։