Քանի մարտիկ է Ազովստալում գերի ընկել. Զելենսկին պարզաբանել է
Ազովստալից ավելի քան 2,5 հազար ուկրաինացի մարտիկներ գտնվում են ռուսական գերության մեջ։ Նրանց ազատ արձակմամբ զբաղվում է ՊՆ գլխավոր հետախուզական վարչությունը։ Այս մասին լրագրողներին ասել է Ուկրաինայի նախագահ Վլադիմիր Զելենսկին, փոխանցում է РБК-Украина-ն։
Զելենսկու խոսքով՝ ռուսական կողմի համար ձեռնտու չէ «խոշտանգումներ կիրառել Ազովստալի մեր պաշտպանների նկատմամբ, քանի որ նրանք դարձել են «հանրային բանտարկյալներ»»։
Նախագահը նաև նշել է, որ լուրջ չի վերաբերում Ռուսաստանի իշխանությունների և «ԴԺՀ»-ի ներկայացուցիչների հայտարարություններին մարտիկների հետագա ճակատագրի վերաբերյալ, քանի որ այս կերպ նրանք փորձում են իրենց գովազդելայս հարցում։
