Ֆրանսիայի 60 դեպարտամենտում օդերևութաբանները տագնապի նարնջագույն մակարդակ են հայտարարել
Ֆրանսիացի օդերևութաբանները եղանակային վտանգի նախավերջին (նարնջագույն) մակարդակն են հայտարարել Ֆրանսիայի եվրոպական մասի 2/3-ում վատ եղանակի պատճառով: Այս մասին ասված է Meteo France օդերևութաբանական ծառայության տարածած հաղորդագրության մեջ։
Խոսքը երկրի հարավ-արևմուտքում, կենտրոնական մասում և հյուսիսում գտնվող 60 դեպարտամենտների մասին է: Եվս 23 դեպարտամենտներում տագնապի դեղին մակարդակ է հայտարարվել։ Նախազգուշացումը գործում է դեպարտամենտների մեծ մասում մինչև կիրակի առավոտ:
Շաբաթ գիշերը ուժեղ ամպրոպներ են տեղացել Ֆրանսիայի հյուսիս-արևմուտքում Կոտ դ ‘ Արմոր և Իլ և Վիլլեն դեպարտամենտներում: Չնայած այն բանին, որ եղանակային վտանգի նարնջագույն մակարդակ այդպես էլ չի հայտարարվել, փրկարարներն այդ երկու դեպարտամենտներում շուրջ 350 այց են կատարել վատ եղանակի պատճառով, հաղորդում է Telegram ինտերնետ-պորտալը:
