Նախարարը` Դեբեդն ընկած երեխայի դեպքի մասին
ԱԺ-ում 2021թ. պետբյուջեի կատարողականի քննարկման ժամանակ ՀՀ աշխատանքի և սոցիալական հարցերի նախարար Նարեկ Մկրտչյանն ասաց, որ Դեբեդ գետն ընկած երեխան այժմ ժամանակավոր կացարանում է։
Հիշեցնենք` մայրն իր երեխային` 2 տարեկան Արևիկին, նետել էր Դեբեդ գետը, աղջնակին մի տղամարդ էր դուրս բերել գետից և տեղափոխել ԲԿ։ Երեխայի մայրը կալանավորվել է։
«Այս դեպքի հետ կապված` միասնական սոցիալական ծառայությունը գործուն մասնակցություն ունի` խորքային գնահատում պետք է իրականացվի, որպեսզի հասկանանք պատճառներն ու շարժառիթները։ Երեխան այժմ ժամանակավոր կացարանում է, մինչև նրա կարգավիճակի հարցը կլուծվի»,–ասաց Մկրտչյանը։
Նրա խոսքով` միասնական սոցիալական ծառայություններում հերթապահության ինստիտուտի ներդրման կարիք կա, սկզբնական շրջանում` գոնե մարզերում։
Մկրտչյանը նշեց` այժմ աշխատանք են տանում այդ ուղղությամբ։
