«Շատ անհանգիստ են, որովհետև տեսնում են, թե ինչպես է շատանում մարդկանց քանակը». Լևոն Քոչարյան

Պետք է փորձեն իշխանականները իրենց զանգվածին նաև թիմի ներսում համոզել , որ անհանգստանալու բան չկա, բայց, իհարկե, շատ անհանգիստ են, որովհետև տեսնում են, թե ինչպես է շատանում քանակը մարդկանց։ Այս մասին «Դիմադրության» շարժման երթի ժամանակ ասաց Լևոն Քոչարյանը։

Նա կոչ արեց մարդկանց մի կողմ թողնել անձնական ամբիցիաները, նախասիրությունները և միանալ։

«Այստեղ ինչ-որ մեկի համար չեն գալիս, մեկ անձի կամ քաղաքական ուժի հարց չէ, այստեղ սեղանին է դրված մեր հայրենիքի ճակատագիրը, սրա շուրջ է պետք  համախմբվել։ Խորհուրդս է համախմբվել գաղափարի, ոչ թե ինչ-որ անձերի կամ քաղաքական ուժերի շուրջ»,-ասաց Քոչարյանը։