«Նա հակված է ուժային մեթոդների». Պեսկովը` Բորելի մասին
ԵՄ արտաքին գործերի ու անվտանգության քաղաքականության հարցերով բարձր ներկայացուցիչ Ժոզեպ Բորելը, չնայած պաշտոնին, դիվանագիտական կարգավորման ջատագով չէ, նա հակված է ուժային մեթոդների։ Բայց Եվրոպայի ռազմականացումը չի նպաստի մայրցամաքում անվտանգության և կայունության ամրապնդմանը։
Այս մասին ասել է Ռուսաստանի նախագահ Վլադիմիր Պուտինի մամուլի քարտուղար Դմիտրի Պեսկովը:
Նշենք, որ Բորելը հայտարարել էր, որ Ուկրաինայում ռուսական հատուկ գործողության ֆոնին Եվրոպայում անվտանգության ներկայիս իրավիճակը վկայում է միասնական եվրոպական զինված ուժերի ստեղծման անհրաժեշտության մասին։
Նրա խոսքով` հենց ռազմականացումն է Ուկրաինային սպառազինություններով առաջ մղելու գաղափարի հիմքում։ Դա այն է, ինչը չի նպաստում եվրոպական մայրցամաքի անվտանգության և կայունության ամրապնդմանը։
