Ալիևը Էրդողանի հետ զրույցում կրկին խոսել է «Զանգեզուրի միջանցքի» մասին

Ադրբեջանի նախագահ Իլհամ Ալիևը Թուրքիայի նախագահ Ռեջեփ Թայիփ Էրդողանի հետ հեռախոսազրույցի ժամանակ հայտարարել է, որ Բրյուսելում բանակցությունների ընթացքում կողմերը «Զանգեզուրի միջանցքի» բացման մասին են պայմանավորվել։ 

Ինչպես հայտնում են ադրբեջանական ԶԼՄ-ները՝ Ալիևը թուրք գործընկերոջը տեղեկացրել է Բրյուսելում կայացած հանդիպման արդյունքների մասին և դրանք դրական որակել: 

 «Ալիևն ընդգծել է, որ կողմերը պայմանավորվածություն են ձեռք բերել Զանգեզուրի միջանցքի բացման վերաբերյալ, այդ թվում՝ ինչպես երկաթուղու, այնպես էլ ավտոմոբիլային ճանապարհի կառուցման հարցում», – նշվում է հաղորդագրության մեջ: