Կանադան Ուկրաինային նոր վարկ կտրամադրի
Կանադան Ուկրաինային նոր վարկ կտրամադրի` 250 մլն կանադական դոլարի չափով (195 մլն ԱՄՆ դոլար)։ Այս մասին, ըստ ՌԻԱ Նովոստիի, հայտարարել է Կանադայի ֆինանսների նախարար Քրիստիա Ֆրիլանդը։
Ֆիննախը նաև հայտնել է, որ վարկը կփոխանցվի ԱՄՀ-ի կողմից կառավարվող հաշիվներով։
Այսպիսով, ըստ նրա, Կանադայից Ուկրաինային տրամադրված ֆինանսական աջակցության ընդհանուր ծավալը կհասնի 1,7 միլիարդի։
Այդ գումարի մեջ, նախարարի մեկնաբանմամբ, հաշվառված չէ ռազմական և հումանիտար օգնությունը, փախստականներին և միգրանտներին տրամադրվող աջակցությունը։
