Քննարկվե՞լ է արդյոք Ուկրաինայում ՀԱՊԿ ուժերի օգտագործման հարցը. Զասը պատասխանել է

 Մոսկվայում ավարտվել է ՀԱՊԿ երկրների ղեկավարների հանդիպումը: Այն կառուցողական է անցել, հայտնել Է կազմակերպության գլխավոր քարտուղար Ստանիսլավ Զասը: Նա նաև հայտարարել է, որ ՌԴ նախագահ Վլադիմիր Պուտինը ՀԱՊԿ գործընկերներին մանրամասն տեղեկացրել է Ուկրաինայում հատուկ գործողության ընթացքի մասին: 

«Ուկրաինայում ՀԱՊԿ ուժերի օգտագործման հարցը առաջնորդների հանդիպման ժամանակ չի քննարկվել»,- հայտնել է Ստանիսլավ Զասը:

Հիշեցնենք, որ այսօր Կրեմլում ընթանում էր Հավաքական անվտանգության պայմանագրի կազմակերպության հոբելյանական գագաթնաժողովը։ Կրեմլի մեծ պալատի Ալեքսանդր դահլիճում անցկացվեց Ռուսաստանի, Հայաստանի, Ղազախստանի, Բելառուսի, Տաջիկստանի և Ղրղզստանի ղեկավարների հանդիպումը։