Պուտինն ու Լուկաշենկոն հանդիպել են
Ռուսաստանի նախագահ Վլադիմիր Պուտինը և Բելառուսի նախագահ Ալեքսանդր Լուկաշենկոն կարճ զրույց են ունեցել ՀԱՊԿ գագաթնաժողովից հետո, որը տեղի է ունեցել այսօր՝ մայիսի 16-ին, Մոսկվայում։ Այս մասին գրում է Kommersant. ru-ն:
Ինչպես հաղորդում է Բելառուսի նախագահի մամուլի ծառայությունը, զրույցը տեւել է 40 րոպե։ Զրույցի ընթացքում նրանք պայմանավորվել են լայնամասշտաբ հանդիպում անցկացնել։
«ՀԱՊԿ գագաթնաժողովի ավարտին Վլադիմիր Պուտինը և Բելառուսի Հանրապետության նախագահ Ալեքսանդր Լուկաշենկոն կարճ զրույց են ունեցել։ Առաջնորդները պայմանավորվել են մոտ ապագայում առանձին լայնամասշտաբ հանդիպման մասին»,- ասվում է Կրեմլի կայքում։
Թե որտեղ և երբ կկայանա հանդիպումը, չի նշվում։
