ՀԱՊԿ համատեղ զորավարժությունների մի ամբողջ շարք կանցկացնի
ՀԱՊԿ-ը վերջին տասնամյակների ընթացքում զգալիորեն ամրապնդել է իր դիրքերը և հեղինակություն ձեռք բերել։ ՀԱՊԿ գագաթնաժողովին նման կարծիք է հայտնել Ռուսաստանի նախագահ Վլադիմիր Պուտինը։
«ՀԱՊԿ-ի շրջանակներում փոխգործակցությունը միշտ կառուցվել է դաշնակցային ոգով, բարեկամության և բարիդրացիության, միմյանց շահերը հարգելու և հաշվի առնելու, փոխօգնության և աջակցության սկզբունքներով։
ՀԱՊԿ–ի` առկա մարտահրավերներին ու սպառնալիքներին դիմակայելու ունակության վկայությունն էր Ղազախստանում ՀԱՊԿ խաղաղապահ գործողության հաջող անցկացումը։
ՀԱՊԿ առաջնորդները համատեղ հայտարարություն կընդունեն ռազմական փոխգործակցության մասին:
Այն կներառի նաև ռազմական և պաշտպանական տարբեր ուղղություններով միջազգային ասպարեզում համակարգված գործողությունները։
Աշնանը նախատեսվում է ՀԱՊԿ համատեղ զորավարժությունների մի ամբողջ շարք:
ՀԱՊԿ-ը պետք է շարունակի պայքարը կազմակերպված հանցավորության, թմրանյութերի վաճառքի և ահաբեկչության դեմ»,- նշել է նա։
