«Ֆինլանդիան պետք է շտապ դիմի ՆԱՏՕ-ին անդամակցելու համար». երկրի նախագահի և վարչապետի համատեղ հայտարարությունը

 Ֆինլանդիան պետք է հնարավորինս շուտ դիմի ՆԱՏՕ-ին անդամակցելու համար: Այս մասին ասվում է նախագահ Սաուլի Նիինիստոյի և վարչապետ Սաննա Մարինի համատեղ հայտարարության մեջ, որը հինգշաբթի տարածել է ֆիննական Helsingin Sanomat թերթը։

«Ֆինլանդիան պետք է շտապ դիմի ՆԱՏՕ-ին անդամակցելու համար», - ասվում է հայտարարության մեջ։

Այսպիսով՝ Ֆինլանդիայի նախագահն ու վարչապետը պաշտպանում են ՆԱՏՕ-ին անդամակցելու հայտ ներկայացնելու որոշումը:

Ավելի վաղ Ֆինլանդիայում խորհրդարանի անդամների մեծամասնությունն արդեն արտահայտվել է ՆԱՏՕ-ին անդամակցելու օգտին։ Սոցիալ-դեմոկրատական կուսակցությունից Ֆինլանդիայի խորհրդարանի փոխնախագահ Էրկկի Տուոմիոյան նշել է, որ արդեն պարզ է, որ նման որոշմանը սատարում է «խորհրդարանի անդամների ճնշող մեծամասնությունը, որը ցանկանում է որքան հնարավոր է շուտ Ֆինլանդիան տեսնել» դաշինքում։

Շվեդիայի իշխող Սոցիալ-դեմոկրատական աշխատավորական կուսակցությունն ավելի վաղ հայտնել էր, որ Հյուսիսատլանտյան դաշինքին երկրի անդամակցության վերաբերյալ որոշումը կկայացվի մայիսի 12-ին, որից հետո կուսակցության վարչությունը պետք է համապատասխան որոշում կայացնի։ Եթե որոշումը դրական լինի, անդամակցության հայտ կուղարկվի ՆԱՏՕ-ին, քանի որ մյուս կուսակցություններն արդեն պաշտպանել են նման քայլը։ Խորհրդարանի կուսակցությունների մեծ մասը նաև դեմ է արտահայտվել այդ հարցով համապետական հանրաքվեի անցկացմանը: