Չեխիայի խորհրդարանը Ուկրաինայում Ռուսաստանի գործողությունները ցեղասպանություն է ճանաչել
Չեխիայի խորհրդարանի վերին պալատը բանաձև է ընդունել, որով Ուկրաինայում ռուս զինվորականների գործողությունները ուկրաինացի ժողովրդի ցեղասպանություն է ճանաչում։ Այս մասին հայտարարել է Չեխիայում Ուկրաինայի արտակարգ և լիազոր դեսպան Եվգենի Պերեբիյնիսը։
«Չեխիայի Սենատը հենց նոր ճանաչեց Ուկրաինայում ռուսական բանակի կատարած հանցագործությունները որպես ուկրաինացի ժողովրդի ցեղասպանություն։ Շնորհակալություն»,- գրել է դեսպանը։
Նրա խոսքով, Չեխիայի Սենատի ընդունած բանաձեւը նույնպես աջակցություն է Ուկրաինային, ինչպես նաեւ կոչ է անում Չեխիայի կառավարությանը՝ շարունակել ռազմական օգնություն ցուցաբերել ուկրաինական կողմին Չեխոսլովակիայի բանակի պահեստազորից։
Բացի այդ, Չեխիայի խորհրդարանը կոչ է անում կառավարությանը դադարեցնել երկրի կախվածությունը ռուսական նավթի և գազի մատակարարումներից։
Դեսպանը հրապարակել է Չեխիայի Սենատի բանաձեւի ամբողջական տեքստը.
