Բլինքենը Ալիևի հետ քննարկել է հայ ռազմագերիների ազատ արձակման հարցը
ԱՄՆ պետքարտուղար Էնթոնի Բլինքենը և Ադրբեջանի նախագահ Իլհամ Ալիևը քննարկել են Հայաստան-Ադրբեջան հարաբերությունները, այդ թվում՝ գերիների վերադարձի հարցը:
«Ես խոսել եմ Ադրբեջանի նախագահի հետ այն մասին, թե ինչպես ԱՄՆ-ը կարող է շարունակել պահպանել վերջին դրական թափը Ադրբեջան-Հայաստան խաղաղ բանակցություններում»,- գրել է ԱՄՆ պետքարտուղարը:
Պետդեպն իր հերթին նշել է, որ կողմերը «քննարկել են Հարավային Կովկասում խաղաղությանն ուղղված վերջին դրական թափը և ապագա կոնկրետ քայլերը՝ ներառյալ սահմանազատումը և սահմանագծումը, տրանսպորտային և հաղորդակցման ուղիների բացումը, մնացած հայ ռազմագերիների ազատ արձակումը»։
