Գյումրիում հանրահավաքն ավարտվեց. նախանշվեց հաջորդ հանրահավաքի օրն ու վայրը
Գյումրիում «Դիմադրություն» շարժման կազմակերպած հանրահավաքն ավարտվեց։ «Պատիվ ունեմ» խմբակցության պատգամավոր Հայկ Մամիջանյանը հայտարարեց, որ հաջորդ հանրահավաքը տեղի կունենա վաղը՝ 17։00-ին՝ Ֆրանսիայի հրապարակում։
Նա շեշտեց, որ ընդդիմությունն իր պայքարի վերջնական փուլում է. «Ձեզնից երկու խնդրանք ունեմ, առաջինը՝ ինքնակազմակերպվեք, տեղերում խաղաղ անհնազանդության ակցիաներ արեք, որ դրան շուտ քշենք, երկրորդը՝ վաղը՝ մեր հաղթանակի օրը, Ֆրանսիայի հրապարակում, ժամը 17։00-ին, Նիկոլը պիտի տեսնի, թե հաղթող ժողովուրդը ոնց ա լինում»։
Նշենք, որ այսօր Երեւանում հանրահավաք նախատեսված չէ: Ֆրանսիայի հրապարակում 17:00-ին արցախցիները հանդես կգան մշակութային ծրագրով։
