Բլինկենը Ռուսաստանին մեղադրել է պատմությունը խեղաթյուրելու մեջ
ԱՄՆ պետքարտուղար Էնթոնի Բլինկենը հրապարակված Հաղթանակի 77-րդ տարեդարձի կապակցությամբ իր շնորհավորանքում Ռուսաստանի նախագահին մեղադրել է պատմությունը խեղաթյուրելու մեջ։ Հաղրոդում է Iz.ru-ն։
«Թեև մենք իրավացիորեն նշում ենք նացիստներից և նրանց համախոհներից շատ երկրների ազատագրումը, կարևոր է, որ մենք նաև հարգանքի տուրք մատուցենք նրանց, ովքեր ստիպված են եղել տառապել բռնակալության տակ ևս շատ տասնամյակներ, մինչև նրանք վերջապես ազատ եղան ընտրել իրենց ուղին»,-ասվում է հաղորդագրության մեջ։
Բլինկենն ասել է, որ Եվրոպայում կրկին հակամարտություն է սկսվել և կոչ է արել «դիմադրել նրանց, ովքեր այսօր փորձում են շահարկել պատմական հիշողությունը»։
Նրա խոսքով, Ռուսաստանի Դաշնությունն իբր շահարկում է պատմությունը, որպեսզի արդարացնի Դոնբասի պաշտպանության հատուկ օպերացիան, իսկ Երկրորդ համաշխարհային պատերազմում հաղթողների ոգին մարմնավորողները ուկրաինացիներն են։
Ավելի վաղ՝ մայիսի 5-ին, ԱՄՆ Պետդեպարտամենտի խոսնակ Նեդ Փրայսը հայտարարել էր, որ պետությունը չի պատրաստվում փոխել իր ռազմավարությունը Ռուսաստանի և Ուկրաինայի նկատմամբ։ Նրան հարցրել են Հաղթանակի օրվա կապակցությամբ ԱՄՆ-ի հռետորաբանության փոփոխության մասին, ինչին ի պատասխան Փրայսը պատասխանել է, որ մայիսի 8-ը և 9-ը կարևոր օրեր են ոչ միայն Ռուսաստանի, այլև Եվրոպայի և ԱՄՆ-ի համար։ Նրա խոսքով՝ ԱՄՆ-ը գործընկերների հետ միասին կշարունակի ռազմական օգնություն ցուցաբերել Ուկրաինային և կշարունակի ճնշում գործադրել Ռուսաստանի վրա։
Ի թիվս այլ բաների, Սպիտակ տան վարչակազմը, հրապարակելով շնորհավորանքներ նացիզմի դեմ հաղթանակի 75-ամյակի կապակցությամբ, հայտարարել է, որ «1945 թվականի մայիսի 8-ին Ամերիկան և Մեծ Բրիտանիան հաղթեցին նացիստներին: Ամերիկայի ոգին միշտ հաղթում է. ի վերջո, այդպես էլ լինում է»:
Երկրորդ համաշխարհային պատերազմի ալիքը շրջած և ամենամեծ կորուստները կրած խորհրդային ժողովրդի դերը չի նշվել։ Այնուհետև ԱՄՆ-ում Ռուսաստանի դեսպանատունը կոչ է արել Վաշինգտոնին դադարեցնել Երկրորդ համաշխարհային պատերազմի պատմության վերաշարադրումը:
