Գոլայա Պրիստան քաղաքն Ուկրաինայի զինված ուժերի կողմից հրթիռային հարվածի է ենթարկվել
Ուկրաինայի զինված ուժերը հրթիռային համակարգով հարված են հասցրել Խերսոնի շրջանի Գոլայա Պրիստան քաղաքի խաղաղ բնակչությանը։ Այս մասին հայտնել են Ռուսաստանի պաշտպանության նախարարությունից, փոխանցում է «ՏԱՍՍ» լրատվական գործակալությունը:
«Ուկրաինայի զինված ուժերը հրթիռային հարձակում են իրականացրել Խերսոնի շրջանի Գոլայա Պրիստան քաղաքի վրա՝ վտանգելով խաղաղ բնակիչների կյանքը»,- հայտնել են գերատեսչությունից։
Պաշտպանության նախարարությունը պարզաբանել է, որ հարվածը հասցվել է Ուկրաինայի Զինված ուժերի «Տոչկա-Ու» մարտավարական հրթիռային համակարգի կողմից մասնավոր հատվածին։
Ամբողջությամբ ավերվել է մեկ տուն, որտեղ ապրում էր երեխա ունեցող ընտանիք։ Վնասվել է ևս տասը շենք։ Տուժել են քաղաքացիական անձինք:
