ՄԱԿ-ը կոչ է անում ԱՄՆ-ին վիզաներ տրամադրել նաև ռուս դիվանագետներին՝ հանդիպումներին մասնակցելու համար
ՄԱԿ-ի վարչակազմը կշարունակի բարձրացնել ԱՄՆ-ի կողմից ռուս դիվանագետներին վիզաներ չտրամադրելու հարցը: Այս մասին գրում է RT-ն՝ հղում տալով գլխավոր քարտուղարի ներկայացուցիչ Ստեֆան Դյուժարիկին:
«Մենք այս հարցը բազմիցս բարձրացրել ենք ընդունող երկրի մոտ։ Մենք դա ուղղակիորեն քննարկել ենք նրանց հետ և կշարունակենք բարձրացնել այդ հարցը նրանց հետ զրույցներում։ Կարևոր է, որ յուրաքանչյուր ոք, ով գործեր ունի ՄԱԿ-ում, կարողանա գալ ԱՄՆ՝ մասնակցելու այդ հանդիպումներին»,- ասել է նա:
Մայիսի 4-ին կազմակերպությունում Ռուսաստանի ներկայացուցչի առաջին տեղակալ Դմիտրի Պոլյանսկին ասել է, որ ռուսական պատվիրակության մասնակցությունը ՄԱԿ-ի տեղեկատվության կոմիտեի նիստին խաթարվել է ԱՄՆ գործողությունների պատճառով. պատվիրակության ղեկավար Մարիա Զախարովան հայտնել է, որ փորձագետներին վիզա դեռ չի տրվել:
