Մեսսին դեմ է արտահայտվել Ռոնալդուի՝ ՊՍԺ տեղափոխությանը
«Պարի Սեն Ժերմենի» հարձակվող Լիոնել Մեսսին բացասաբար է արձագանքել «Մանչեսթեր Յունայթեդի» հարձակվող Կրիշտիանու Ռոնալդուի հնարավոր տեղափոխությանը ֆրանսիական ակումբ։ Այս մասին հայտնում է El Nacional-ը։
Ըստ աղբյուրի՝ արգենտինացին նույնիսկ պատրաստ է հեռանալ ակումբից, եթե 37-ամյա պորտուգալացին միանա թիմին, սակայն ինքը՝ Ռոնալդուն, դեմ չէ Մեսսիի հետ դուետով հանդես գալուն։
ՊՍԺ-ի նախագահ Նասեր Ալ-Խելաիֆին, ով վաղուց էր երազում Ռոնալդուին հրավիրելու մասին, ամառային տրանսֆերային պատուհանում կփորձի գրավել «Մանչեսթեր Յունայթեդի» հարձակվողին:
Ալ-Խելաիֆին նշել է նաև, որ զգուշացրել է Մեսսիին և նրա ներկայացուցիչներին 34-ամյա հարձակվողին չվաճառելու մտադրության մասին, ում պայմանագիրը նախատեսված է մինչև 2023 թվականը։
